كواعب أحمد البراهمي تكتب: أسأل نفسك

أسأل نفسك ليه بتخون

قبل ما تعرف ليه أنا أنسي

راجع نفسك كام مليون

ليه بتضحي بقلب يريدك

باع علشانك كل الكون

كان مشتاقلك كان بيحبك

كان عارف أنك مجنون

كان بيقول بكره هيعقل

بكره هيعرف مين أنا أكون

لكن شفنا الظلم بقربك

ودموعنا ما فارقت العيون

قلبي كان مشتاق للخير

كان مشتاق لقلب حنون

كان يحلم يعيش متهني

جيت جنبه جرب ظلمك

كان مديلك كل حنانه

وبعد ده كله عليك بيهون

هبعد هبعد قد ما هقدر

هاترك عالم بيك مسكون .