ولا باسم أيُّها دين

مش ناوى اتعب حد من عد البلاد ..
واتمنى والله لو بعتروا دمى ف فضاء الكون ..
او يحرقوا الجثمان وينثرونى رماد ..
يسرح ف كل البلاد ويسمد البساتين ..
من أجل وردة .. واحدة وصغيّرة ..
يديها واد لحبيبته ويبوسها ..
حتى ولو خبى ..
ومقلهاش دى من رماد عاشق قديييييييييييييم ..
حب التراب اللى بتمشى عليه جميع الخلق لو بتحب ..
إلا اللى خانوا نفسهم والناس ..
طب أبقى كاس طيب ..
ممدوده بيه يد حب ..
بتقدمه ليد حب ..
طب خيط حرير يا عبير ..
حلو ف ضفيرة بنت ..
طفلة ورايحه المدرسه ف بغداد ..
من غير ما تشغلها ..
خوذه وكلمة خوف
وتسألها : من فين لفين ؟؟
حتى بأى لغة
أو باسم أيُّها دين