مصر الكبرى

09:15 صباحًا EET

محافظة الإسكندرية : لايوجد مساكن إيواء.. 76 أسرة من أهالي العطارين بلا مسكن

الإسكندرية – غادة سعيد
“ابني كان فرحه الأسبوع اللي جاي، مفيش حل غير أني أروح شقته أنا وابني الصغير، هنعمل إيه..؟، روحنا الحي قالولنا الشقة بـ 70 ألف جنيه، هنجيبهم منين..؟، ربنا يسترها معانا”.. هكذا تحدثت إلينا إحدى ساكنات بيوت العطارين التي صدر لها قرار إزالة بسبب تهالك عمدان المنزل.

توجهنا للمنازل الخمس التي صدر لها قرار إزالة بمنطقة العطارين بشارع الإمام مالك، وكان المشهد كالتالي، وجدت 5 رجال جالسين بجوار منازلهم، بعد أن قامت الشرطة بإجبارهم على الإخلاء، قالوا ” الأرض اللي عليها العقارات غارت من مياه الصرف، بسبب هلاك شبكة الصرف الصحي في الشارع كله، والدليل على كده إن شركة المياه قطعة المياه عن الشارع ده بس، من وقت المشكلة لحد دلوقت،غير إن فيه شرخ من زمان في الماسورة الأم، هي اللي سربت المياه للبيوت، وشربتها العمدان ووصلت اللي عليه دلوقت، إنها لازم تتزال.76 أسرة في الشارعهما 76 أسرة، كلهم في الشارع دلوقت، فيه اللي قعد بناته والستات عن أقاربه، والرجالة بتنام في المحلات، وفيه أسر أجرت أوضه إيجار جديد، بس كلنا في الشارع دلوقت، حتى العفش بتاعنا وزعناه عند معارفنا، عشان ميتسرقش، وهي مش ناقصة.دور المسئولينمفيش ولا مسؤل جالنا يشوف حل للمشكلة اللي إحنا فيها ديه، كل اللي بيجي بياخد أسامينا ويمشي، والحي والمحافظة محدش جه منهم.حل المشكلةمش عارفين، ربنا وحده أعلم بحلنا، وأكيد الحل عنده إن شاء الله”.وكنا قد تواصلنا مع مكتب نائب المحافظ، فقال أنه لايوجد مساكن إيواء بالمحافظة، وأن المساكن المتوفرة، هي مساكن الشباب، التي تقدر ثمن الوحده فيها 70 ألف جنيه.
 

التعليقات