بكل لغة / مين قال إنى ما بيديش ؟!

حزينه زى ما يكون ليكى ابن وغاب ..حزينه زى ما تكون غربة الأحباب ..حزينه زى ما تكــونى بلا أصحاب ..حزينه زى ما يكون الزمان ..بيعدى على بابك ولا يهديش ..حزينه زى ما يكون المكان ..بيعاند السكان ولا يديش ..حزينه وحزنك اتمكن ..وإيه ممكن ..ما دمنا ف حزننا بنسكن ..بحبك .. بس ما بيديش ….
حزينه زى ما تكون الرياح هايجه ما بتخليش ..كأنه قلبك المصباح بيتدارى وقافله الشيش ..حزينه زى ما يكون البراح خانك ما بيساعكيش ..كأنه قلبك التفاح هجر غصنه ما نوركيش ..حزينه زى ما يكون الصباح لو هل ما تطليش ..كأنه قلبك الروّاح بييتفتت من التبكيش ..حزينه زى ما يكون فرحتك حالفه تروح ما تجيش ..كأنه قلبك المفتاح صداه غطّاه بقينا مافيش …..
حزينه وانت ماليه القلب ..ياأجمل ما اتخلق للحب ..فداكى كل شيييييييييييييييييييييييييييييييىء يتحب ..يا امى كفايه دوووووووووووووووووووووووووووسى الغلب ..كِدِب قولى وحرام الكدب ..ومين قال انى ما بيديش !!!!!!!!!!!!!.