فن
التفاصيل الكاملة لأزمة #محمد_رشاد و #مي_حلمي
قررت المذيعة مي حلمي مشاركة جمهورها بما تمر به هي وزوجها الفنان محمد رشاد، من أزمة صعبة.
نشرت مي فيديو عبر حسابها على Instagram ظهرت فيه تبكي وتحكي للجمهور ما حدث معها، موضحة أنها تحاول الدفاع عن اسمها واسم زوجها وكل ما مرا به.
قالت مي إنها لن تستطيع الدخول في تفاصيل، ولكن زوجها محمد رشاد يعاني من أزمة في عقد مع شخص ما، وهناك إخلال في التعاقد، وهناك حكم بدفع مبلغ مالي.
أوضحت أنها فوجئت في الصباح باتصال هاتفي أنه تم الحجز على المنزل وخلال ساعات سيتم أخذ كل الأثاث.
وأكدت مي أن هذا منزلها وأن منزل رشاد في طنطا، لكن الحكم جاء على هذا المنزل، وأنها اكتشفت أنه خلال العامين الماضيين قد تم الإضرار بها في عملها بسبب نفس الأزمة.
وأوضحت أن رشاد يرفض تقديمها للمساعدة أو مساعدة أي أحد، وأنها تريد مشاركة جمهورها بما يحدث لهما.
الفيديو دا أنا عملاه علشان أعرف الناس قد أن في ناس مؤذية، لأ ومن غير سابق إنذار، ومن غير أي حاجة في الدنيا أنا صحيت على مكالمة تليفون أن في ناس هتكسر باب شقتك علشان تخش تحجز على ممتلكاتك وحاجتك، دا اللي أنا صحيت عليه، ليه علشان في قضية عقد حاجة تبع رشاد في الغناء وكان المبلغ 5 مليون جنيه وفضل ينزل وفضل يطلع لحد ما الرقم بقى برضو مش هينفع يدفعه، واحد لسه بيبتدي حياته 30 سنة، هو حاول أنه هو يوسط ناس كتير يقسط المبلغ ودا ينفع، لكن كل اللي هامة أن يشوف البني آدم اللي معملش حاجة لحد دا محبوس”.
أضافت: “أنا حقي أني أخاف على بيتي ليه أخبي حاجة زي دي وأنتوا شفتوا بداية حبنا وزعلنا وصلحنا ونجاحي ونجاح، تخيلي تصحي من النوم في بيتك اللي تعبتي علشان تبنيه تلاقي حد بيكلمك يقولك أنا النهاردة هاجي أكسر باب البيت علشان أحجز على بيتك علشان في 5 مليون جنيه لازم يدفعوا من جوزك أو مبلغ تاني أنا مش عارفاه من غير إنذارات، الموضوع ده بقاله 4 سنين أظن كفاية بقى، كفاية أربع سنين وقف حال فيه، وسنتين فيا وأنا مكنتش أعرف بسبب علاقاتك بسبب أن أنت بتكلم فلان متشغلهاش، ليه عاوز الشقة تعالى أفتح الباب وخد اللي أنت عاوزة بس سيبنا في حالنا”.
أكملت: “هو مرفضش أن يدفعلك، بس قالك كن رحيم مع أني مغلطش ومش بنود العقد ومش هتكلم في حاجة بتاعته هو فاهم أكتر مني بس واجبي أن أدافع عن بيتي وعن حياتي، وحق اسمي عليا واسمه عليه أن أعمل كده، ليه عاوز تأذيه كده هو عملك إيه هو كان خارج عامل بوم وأنت خليته، أنت مبتحبش البني آدم ده مالك مال شغلي مالك ومال حياتي، هو عاوز ينفذ حكم على رشاد بسبب الغناء اللي هي الموهبة بتاعة ربنا، رشاد عنوانه في طنطا مالك ومال بيتي، هو علشان عارف أنه ميقدرش ينفذ في طنطا وعنوان رشاد مش العنوان ده دا عنواني أنا، هو جيه عاوز يكسر الباب هنا علشان ياخد الجادة بدون سابق إنذار”.
“معرفش اللي أنا بتكلمه دا صح ولا غلط بس أي واحدة بتخاف على بيتها وجوزها هتطلع تعمل كده، هتقول كفاية وقف حال فيه وفينا، كفاية هو معملش حاجة هو دفعلك مأخدش منك، ليه عاوز تأذينا في أسامينا في شغلنا في حياتنا، تخيلي يا اللي بتتفرجي عليا تكوني صاحية من النوم حد يكلمك يقولك هيجي ياخد حته حته من البيت علشان يحجز عليها علشان غناء اللي هي الموهبة من عند ربنا، للأسف رافض أن أنا أساعدة أو أن حد يقف جنبه، وكان لازم أطلع أفهم الناس قد إيه إحنا بنمر بوحاشه قد إيه واحد نفسه يشوف حد مكسور، هي دي الحكاية ودا اللي حصل”.
كانت مي حلمي نشرت صورتها مع رشاد ووجهت له رسالة كاتبة “في ضهرك وجنبك والي يضرك يضرني والي يفرحك يفرحني معاك لاخر يوم في عمري علي الحلوه والمره واقفه معاك .. نجحت معاك وكبرت معاك وضحكت وحزنت معاك عمري ما اسيبك ولا اضيع حب عمري ولا سنين نجاحنا معاك بقيت بتاعت الراديو وحسناء الرياضه لفينا العالم وقولنا بكرا يا دنيا نلف الدنيا ولفناها ونجحنا انت سنيني الحلوه علي الحلوه والمره معاك”.