الحراك السياسي

03:19 صباحًا EEST

مرتضى منصور: «قلت للسيسي ده مش وقت نور عيني وحليم»

وصف المستشار مرتضى منصور، في الساعات الأولى من صباح الخميس، المرشح الرئاسي، عبدالفتاح السيسي، بـ«الحازم والصادق والأمين»، كما اعتبره «دكتورًا» قادم لعلاج «أمراض مصر»، مخاطبًا الشعب المصري: «اسمع كلام الدكتور وإلا يبقى إحنا جايبين الدكتور نورطه»، وقال إن «اللي جاب الراجل ربنا».

وقال «منصور»، في لقاء تليفزيوني على قناة «دريم 2» مع الإعلامي وائل الإبراشي، إنه التقى السيسي ووجده في «قمة التواضع وحازم، وواحد ابن بلد وشعبي جدًا وفاهم ومش نصاب»، كاشفًا كواليس حواره معه: «قلت له الشعب مش عايز نور عيني، ولقيته قوي وحاسم وفاهم، وقلت له مش وقت عبدالحليم حافظ».وأضاف: «أسوأ شئ في الدنيا رئيس الجمهورية النصاب الراشي»، معتبرًا أن السيسي «عنده إيمان بالله لا حدود له، رجل يحب البلد ومهموم بالبلد، ويعرف كل كبيرة في السياسة والاقتصاد عنده وهو كان شغال في المخابرات الحربية».ودعا «منصور» من سماهم «الفاسدين وأعضاء الحزب الوطني» إلى الابتعاد عن السيسي «حتى لا تلوثوا حملته وسمعته»، مضيفًا: « الراجل ده مش تلميذ وعارف كل الناس، وأتصور أنه شكل المعاونين بتوعه».
وتساءل: «عمرك شفت مرشح تحبه الناس بالطريقة دي، وربنا لما بيحب عبده بيقول الملائكة انزلوا الأرض وقولوا لعبادي حبوه والناس تبقى حواليه».

التعليقات